ABN

No obradoiro seguimos a traballar a lóxica-matemática mediante o algoritmo baseado no número (ABN).

As actividades que facemos son, ante todo, manipulativas e de carácter lúdico, adaptadas ás tres idades que temos nas aulas e con variedade de materiais.

Nos últimos días estivemos a traballar:

1.A seriación con coches de goma

2.O conteo:
      >co xogo "Cantos ollos ten?": para este xogo precisamos ollos móviles, monstros e dados. Cada nena e cada neno tirou o dado e puxo no seu monstro tantos ollos como indicaba o dado.

      >coas plantillas numéricas colocando tantas pezas como sinala o número escrito na plantilla

     >cos botes de bebible numerados: introducindo no bote tantas palliñas ou paos como di o número

3. A serie numérica: primeiramente compuxemos a serie numérica (que estaba desordenada) enriba da mesa e logo a cada número colocámoslle as mans cos dedos correspondentes e o nome do número. 

4.A grafía dos números repasando as grafías do 1 ao 10

5.A clasificación atendendo a un criterio (neste caso a cor)

6.As figuras xeométricas deixando voar a nosa imaxinación e compoñendo con elas o que se nos ocorrera (neste caso Pancho compuxo un paxaro e Rosalía, estrelas)