EXPERIMENTO: QUE ACONTECE COAS CENORIAS?

Na semana que xa rematou levamos a cabo un experimento novo:

QUE ACONTECE COAS CENORIAS?

Pero este experimento non era como os outros xa que para ver os resultados tiñamos que agardar 48 horas.

O resto do proceso foi o mesmo.

1. LEMOS NA PANTALLA O TÍTULO DO EXPERIMENTO E OS MATERIAS QUE PRECISAMOS PARA LEVALO A CABO

2. NOMEAMOS ÁS ENCARGADAS E ENCARGADOS DE LABORATORIO

3.AS ENCARGADAS E ENCARGADOS PREPARARON OS MATERIAIS E O EXPERIMENTO

     >Materiais:

          -3 cenorias

          -3 vasos

          -auga

          -sal

     >Proceso: no primeiro vaso metemos unha cenoria. No segundo vaso botamos auga e metemos unha cenoria. No terceiro vaso botamos sal ata a metade, engadimos auga ata arriba, removemos e metemos a cenoria. Etiquetamos cada un dos vasos.

4. FORMULAMOS AS NOSAS HIPÓTESES SOBRE O QUE ACONTECERÁ COAS CENORIAS. ALGUNHAS FORON:

   -"van morrer todas"

   -"a da auga vai medrar"

   -"non morre ningunha"

   -"o sal faille mal ás cenorias"

   -"a do vaso que non ten nada vai podrecer"

   - ...

5. REXISTRAMOS TODO O PROCESO

6. OBSERVAMOS DE VEZ EN CANDO SE VEMOS ALGÚN CAMBIO

7. COMPROBAMOS O QUE ACONTECEU (VENDO,TOCANDO, ULINDO) E DIALOGAMOS SOBRE QUE HIPÓTESES FORON CORRECTAS E CALES NON

QUEREDES SABER QUE ACONTECEU FINALMENTE?

Preguntádelle ás vosas fillas e fillos que de seguro han dar boa conta do que pasou ao final con cada unha das cenorias!