Curtametraxe "Compañeiras de po" - Modo Galego, Actívao!

Familias, 

Como xa sabedes estamos a participar no proxecto da RAG #ModoGalego, Actívao" en colaboración co Concello de Ames.

A proposta realizada polas crianzas de EI nesta primeira semana consistiu en drobrar ao galego unha curtametraxe. Para isto tivemos que:

-visionar a curtametraxe en versión orixinal

-dialogar sobre: 

                -que acontece na curta?

                -que personaxes aparecen nela?

                -que poden dicir estes personaxes?

-inventar os novos diálogos en galego chegando a acordos entre tod@s

-ensaiar estes diálogos dando a cada intervención a entoación correcta

-gravar os novos diálogos 

-montar a curtametraxe

Foi un proceso longo pero moi enriquecedor e o resultado é a curtametraxe "Compañeiras de po" que compartimos con vós.

Se tedes dificultade para ver a curta deixamos un acceso picando AQUÍ

MODO GALEGO ACTÍVAO!

A Real Academia Galega (RAG) e o Concello de Ames puxeron en marcha un proxecto piloto para frear o abandono do galego entre as máis pequenas e pequenos, coa intención de chegar a unhas 3000 crianzas a través das aulas.

'Modo galego, actívao!' é o nome que recibe esta iniciativa, dirixida a nenas e nenos do segundo ciclo de infantil e de primaria escolarizados nos sete centros educativos deste municipio.