Últimas saídas do curso.
Co curso 2018-2019 xa rematado para o alumnado queremos amosarvos dúas actividades que fixemos nos derradeiros días de escola.
Unha delas foi a andaina que nos levou a percorrer a ruta do "Rego dos pasos" ata chegar a Bertamiráns.
Vimos un carballo e fentos centenarios, un reloxo de pedra, un formigueiro nunha árbore ...
E ata tivemos merendola incluída na casa da avoa e do avó de Nadia e Xoel.
ç
A outra saída que fixemos foi a Santiago para percorrer a cidade no tren turístico.
O condutor deunos un par de auriculares para escoitar a explicación da guía e partimos da praza so Obradoiro para pasar por Xoán XXIII, o auditorio, a alameda, ver dende o tren o arco de Mazarelos, a Porta do Camiño...
E unha vez rematado o percorrido, fomos camiñando ata o auditorio onde merendamos.
CON ESTA PUBLICACIÓN DESPEDÍMONOS ATA SETEMBRO DESEXÁNDOVOS A TODAS E TODOS UN BO VERÁN!
DESFRUTADE MOITO DAS VACACIÓNS!
