OLA FAMILIAS!
Setembro xa chegou e con el comezou o novo curso 2017-2018 cheo de novidades e sorpresas!
Para aquelas e aqueles que aínda non o saibades, neste novo ano académico en Educación Infantil imos traballar por ambientes de aprendizaxe coas novas aulas tema (xa volo explicaremos polo miúdo) pero mentres deixámosvos unhas fotos cos primeiros días do alumnado descubrindo as aulas novas e reencontrándose coas amigas e amigos.
Dámosvos a benvida a todas e todos agardando que sexa un magnífico curso!
As mestras xuntáronnos a carón da árbore para darnos a benvida a tod@s xunt@s.
Despois estreamos os colgadores novos e cadaquén colocou a súa chaqueta na percha que máis lle gustou
Xa máis cómodos entramos ás aulas onde falamos sobre o verán, o que fixemos nas vacacións... e onde as mestras explicaron cousiñas como o nome das aulas, que había en cada unha...
Logo da explicación chegou a hora de descubrir os novos ambientes e comezar a experiementar cos diferentes materiais, xogos, actividades ...
Pero aínda nos quedan moitas cousas por descubrir nas nosas novas aulas!
