En Educación Infantil o traballo psicomotor é moi importante a todos os niveis e na escola procuramos que este traballo sexa o máis lúdico e divertido posible.
Adicamos varias sesións, con diferentes propostas e xogos, ao traballo da coordinación (non só a coordinación de movementos e das diferentes partes do corpo entre si senón tamén a coordinación coas compañeiras e compañeiros), do equilibrio, o control do corpo ...
A última sesión de psicomotricidade que fixemos na escola dividímola en dúas partes.
-Nunha primeira adicámonos ao traballo do esquema corporal sen ningún tipo de material e a facer xogos por parellas. Un dos que mais éxito tivo foi o da "carretilla".
-A segunda parte adicámola a traballar o arrastre con materiais e cun sinxelo circuito. Co arrastre facilitamos o desenvolvemento da forza e da axilidade e exercitamos a coordinación entre os dous hemisferios cerebrais.
Coa chegada do novo trimestre chegaron tamén os novos circuitos de psicomotricidade con María.
Nesta primeira semana fixemos un pouco de todo: independencia segmentaria, volteretas, rolos, saltos, coordinación óculo-manual, coordinación ollo-pé, coordinación entre iguais, traballo por parellas...
