Hoxe as crianzas encheron a escola de superheroínas e superheroes, cazador@s pokemon, unicornios, policías, abellas, piratas, gat@s, princesas, vacas, ratiñas, bombeir@s, dinosauros, vampiros e vampiresas, indi@s ...
Mirade, mirade!
QUE RELACIÓN GARDARÁN ESTAS DÚAS IMAXES???????????????????????????????
Como xa vos comunicamos, este curso volven as representacións de entroido a Barouta. Como en anos anteriores, estarán relacionadas co PDI de centro. Neste curso 2021-2022 o noso PDI é "Imaxes Literarias".
A nosa representación xirará arredor do mundo da arquitectura e a arte. Concretamente recrearemos a construción dun muso e a súa inauguración: O MUSEO DE BAROUTA (pero non vos damos máis pistas. Teredes que agardar uns días para saber máis)
Isto deunos pé a iniciar un proxecto sobre arquitectura, centrándonos nun primeiro momento nos museos (facendo así aproveitamento didáctico das propostas para a recreación de entroido) pero coa idea de estendelo a outras edificacións.
No vídeo que compartimos a continuación podedes ver como demos inicio ao proxecto.
En Educación Infantil o traballo psicomotor é moi importante a todos os niveis e na escola procuramos que este traballo sexa o máis lúdico e divertido posible.
Adicamos varias sesións, con diferentes propostas e xogos, ao traballo da coordinación (non só a coordinación de movementos e das diferentes partes do corpo entre si senón tamén a coordinación coas compañeiras e compañeiros), do equilibrio, o control do corpo ...
