Boa noite!
Por fin temos vídeo da carreira solidaria!
24 de febreiro "Día de Rosalía"
O 24 de febreiro está recollido no Calendario do Libro e da Lectura, publicado pola Consellería de Cultura, Educación e Ordenación Universitaria, como o aniversario do nacemento de Rosalía de Castro, a poeta de referencia da literatura galega. Son moitas as institucións que se suman desde hai anos a esta celebración do DÍA DE ROSALÍA que as bibliotecas escolares aproveitan para dar a coñecer ao alumnado os poemas, a vida e o significado desta gran autora. A obra de Rosalía cobra vida nas voces de nenas e nenos que recuperan en recitais, lecturas compartidas e todo tipo de actividades a forza da súa palabra. Atopan mozos e mozas na lectura dos seus versos unha muller actual e poderosa que se amosa cada ano que pasa máis próxima a todos e todas, a medida que os investigadores van desfacendo cos seus estudos as capas de escuridade que nola ocultaban.
Na nosa escola conmemoramos este día de dúas maneiras:
-por un lado participamos na proposta do Concello de Ames "Fiestras de Rosalía"
-por outro lado gravamos un programa de radio adicado a Rosalía de Castro
A nosa participación na proposta do Concello preparámola en dous pasos:
-primeiramente nas aulas escollemos dous poemas de Rosalía que nos gustaban para reproducilos nos modelos de cartón-pluma facilitados polo concello.
-Cos poemas listos, unha representación de alumnas e alumnos do centro foron a Bertamiráns para expoñer as poesías en diferentes locais comerciais da zona e dalos así a coñecer a todo o mundo.
PREPARANDO O ENTROIDO
Boa tarde familias.
Este ano, no desfile do día 21 de febreiro, fixemos unha homenaxe ao entroido tradicional galego.
Todas as nenas e nenos da escola disfrazáronse de distintas personaxes do entroido popular de Galicia.
Houbo Pantallas, Xeneralas e Xenerais da Ulla, Madamas e Galáns, Volantes, Choqueiras e Choqueiros, Peliqueiros e Peliqueiras, Troteiras e Troteiros ...
E en infantil ... fomos PITAS! Contámosvos a historia deste entroido que se celebra desde a posguerra en Eiroás (Ourense).
Amosámosvos cal foi o camiño que percorremos na escola para facer as máscaras e as pitas.
Houbo que madurar a idea porque ían xurdindo dúbidas sobre como facer o peteiro, como amarralo no anteface e polo tanto tivemos que probar e probar!
Primeiro pensamos en poñer o peteiro por debaixo do anteface.
Pero Lara dixo que así molestaba. Polo tanto, probamos a poñelo por fóra.
E Leo confirmounos que por fóra non molestaba.
Pero ... que facer coa pita? Colocámola diante, xusto enriba da fronte grampada no antiface ou mellor no medio da cabeza?
Escollemos a segunda opción.
Aquí non remataban as dúbidas coa pita. Como podiamos facer a cabeza: con xornal, con pasta de papel ...? Tiña que ser ríxida para que non caera ao saltar e bailar pero por outro lado non podía pesar moito.
Con xornal pareceunos mais doado para facer coas nenas e cos nenos.
E as plumas? Con que podiamos facelas: con papel, con outro material...?
Con todos os elementos da cabeza mais ou menos claros comezamos a produción.
Por un lado había que facer as bólas de papel para as pitas (que as crianzas fixeron moi rápido) e unilas ao rolo (isto dounos mais traballo porque había que unir 75 cabezas!)
E por outro lado había que pintar os antefaces (pero só unha metade xa que no disfrace orixinal unha metade é branca e outra negra e para conseguilo tivemos que encintalos polo medio para que saíse xustamente unha metade de cada cor) e as pitas ( unha vez unidas ao rolo).
Pero os disfraces aínda non estaban rematados. Aínda había que pegar as plumas unha por unha.
E pegar as fitas negras e brancas nos antefaces tendo coidado de pegar as fitas brancas no lado negro e viceversa.
Xa case estaba todo listo. Faltaba ensamblar a pita no gorro de piscina.
Pero...
Siiiiiiiiiiiiiiiiiiiiiiiii!!!! Así xa se sostiña!!!!!
E por fin con todo preparado puidemos disfrutar do entroido e vir á escola disfrazadas e disfrazados como quixemos.
Facer máscaras que metían medo.
E cando chegou o venres fomos as pitas mais bonitas de toda a redonda: as Pitas de Barouta!!!!
Deixámosvos algunhas fotos da nosa actuación na "Voda da Pita" mentres agardamos polo vídeo oficial do entroido!
Subscribirse a:
Publicacións (Atom)