Boa mañá de sábado, familias!
Como xa vos comentamos noutro post anterior, estamos a realizar un miniproxecto de nubes que comezamos cun experimento como actividade motivadora e que continuamos coa visita de DIEGO VIAÑO (exalumno do centro e meteorológo da TVG).
Coma sempre, preparamos esta visita con anterioridade na aula. E logo de conversar sobre nubes escribimos nun papel aquelas dúbidas e preguntas que lle queríamos facer a Diego.
E o venres 28 de Abril Diego veu ao colexio. Recibiunos na entrada da biblioteca e conversou un pouco con nós antes de comezar.
Logo de saudarnos falounos de nubes.
Estivemos moi atentas e atentos ás explicacións porque o que nos estaba a contar e amosar Diego na pizarra dixital era moi interesante.
E vimos nubes abraiantes que nos deixaron coa boca aberta: "nubes lenticulares", "undulatus asperatus", "nubes mastodónticas" ...
Fixémoslle algunhas das preguntas que levábamos preparadas.
Diego tamén nos ensinou a ser presentadoras e presentadores do tempo.
E para rematar saímos a observar nubes aínda que xustamente este día non había ningunha no ceo azul de Barouta!
MOITÍSIMAS GRAZAS DIEGO!!!!!