Ola familias!
Como estades? Que tal estades a levar estes días?
Dende Infantil queremos compartir unha proposta fotográfica para darnos ánimos e poder vernos (aínda que sexa en foto).
Agardamos que vos animedes a compartir as vosas fotografías con nós e non dubidedes que daremos difusión de todo o que nos acheguedes.
Lede con atención o documento!
Moitos ánimos e moitas apertas enormes!
PROPOSTA FOTOGRÁFICA #FÁLAMEQUETEESCOITO#AMELLORESCOLADOMUNDO (PDI DE CENTRO)
O TEATRIÑO
Nunha das últimas "remodelacións" que fixemos nos espazos dos ambientes, decidimos levar de novo un teatriño improvisado (feito cun colgadoiro e unha tea verde) ao teatro para facer as nosas obriñas.
Unha das primeiras fixérona varias nenas de EI-B (titoría de Vito e María) que representaron para toda a aula unha obra inventada por elas mesmas e titulada: "A OBRA SEN TÍTULO". Primeiramente decidiron que personaxes querían que houbese na obra e logo foron inventando a historia e os diálogos entre todas.
Nesta obra, moi divertida, había personaxes de todo tipo: unha avoa, unha neta, unha serea, un can, unha meiga que facía cantar e bailar ao resto de personaxes ... e sabedes que canción cantaban e bailaban? Pois "A Rianxeira"!!!!!!!
Por suposto, a representación gustou moito e recibiron unha longa ovación.
En canto voltemos ás aulas retomaremos este tipo de propostas sen dúbida!
MAIS CONTIÑOS
Deixámosvos mais contiños dos que tantas veces lemos na escola e que tanto nos gustan!
PSICOMOTRICIDADE DIVERTIDA
A última sesión de psicomotricidade que fixemos na escola dividímola en dúas partes.
-Nunha primeira adicámonos ao traballo do esquema corporal sen ningún tipo de material e a facer xogos por parellas. Un dos que mais éxito tivo foi o da "carretilla".
-A segunda parte adicámola a traballar o arrastre con materiais e cun sinxelo circuito. Co arrastre facilitamos o desenvolvemento da forza e da axilidade e exercitamos a coordinación entre os dous hemisferios cerebrais.
PDI DE CENTRO FÁLAME QUE TE ESCOITO
E non esquezades que as avoas e os avós (e vós mesm@s, mamás e papás tamén) sodes unha fonte importante de información porque de seguro que lembrades algunha cantiga que cantabades na escola para botar a sortes, ou para saltar á corda, ou para xogar á roda...
CURTAMETRAXES DE OQO EDITORA
Bo día!
Hoxe compartimos varias curtametraxes de Oqo Editora baseadas en libros que tantas veces lemos nas aulas como "Corre corre, cabaciña", "A bruxa regañadentes", "Os sete cabritos" etc.
PLANTAMOS PATACAS
Xa sabedes, picades enriba do rectángulo da imaxe e accedes á presentación!
MÚSICA PARA PASAR O TEMPO
Bo día!
Hoxe deixámosvos música para pasar o tempo e facer mais levadeiros estes días!
(Picando enriba de cada cadradiño con imaxe lévabos a unha música diferente. Tamén vos deixamos o enlace ao blog e á páxina web da escola).
CHARLA SOBRE SEGURIDADE VIARIA
Nestes días longos de estadía na casa, compartimos con vós algunhas das actividades que nos foron quedando no tinteiro. Agardamos que ver estas fotos, vídeos, presentacións ... (ademais de poñervos ao día de todo o que acontece na escola) vos fagan mais levadeiras estas horas.
ACTIVIDADES PARA O ALUMNADO DURANTE O ESTADO DE ALARMA
Deixámosvos as propostas que o Equipo de Infantil considerou oportunas para estes días.
(Picando no rectángulo que aparece enriba da imaxe poderedes ver o documento nun tamaño mais grande)
Anexamos ademais o enlace á páxina web da escola onde tamén hai novas de interese xeral publicadas.
https://www.edu.xunta.gal/centros/ceipbarouta/node/178
ESTADO DE ALARMA | Suspensión da Actividade Educativa - RD 463/2020
No día de hoxe o profesorado enviaravos tarefas para o alumnado.