Como xa vos explicamos
na reunión, neste curso imos retomar o traballo da lóxico-matemática mediante a
aprendizaxe baseada en números (ABN) que xa iniciaramos o curso pasado. Este tipo de aprendizaxe fomenta o cálculo
mental a través da utilización de materiais e obxectos cotiás coma botóns,
pinzas da roupa, paus …
Co alumnado de 6º de EI comezamos facendo un repaso da serie
numérica que elas e eles mesmos compuxeron. Fixémolo por medio de dúas tarefas:
-Na primeira tiveron que ordenar os números ata o dez.
Unha vez ordenados había que colocalos na pizarra e engadirlle a cada número tantas pinzas como indica o
cardinal.
Para rematar a tarefa, e a modo de repaso, tiveron que explicarlle a Vito o que fixeron e como o fixeron.
E despois diso tiveron que encher a pizarra coa grafía dos números (se lles costaba facer algunha grafía tiñan enriba da mesa números coa grafía punteada para repasar cos dedos e así sentir a direccionalidade co tacto).
-Na segunda das tarefas, sobre unha recta numérica ata o 20 estirada no
chan, fixemos varias actividades:
>camiñar
por enriba dos números dicindo o seu nome
>pararnos
enriba dun número indicado por María
>dicir o nome do número anterior e do posterior
>desplazarnos
cara adiante ou cara atrás tantos números como nos indicara María
>encher
os números da recta con tantas pezas como indica o cardinal
E así pouco a pouco imos afianzando o coñecemento dos
números ata o dez e ata o vinte, imos asociando número e cantidade, repasando as grafías ...
0 comentarios:
Publicar un comentario