As poboadoras e poboadores celtas viñeron a Barouta para amosarnos como comezou isto da celebración do nadal.
Pero antes de darlles paso para que nolo conten queremos que vexades o making-of da Festa de Yule!
E todo comezou cando na aula apareceron uns debuxos negros pegados polas portas, pizarras, mesas ... e non sabiamos o que eran. Investigando, e lembrándonos do curso pasado, soubemos que se chamaban códigos QR e que co móvil ou a tablet podiamos saber que información agochaban. E puxémonos mans á obra!
Vaia, vaia! Aqueles códigos QR ocultaban estas imaxes:
Quen viviría nesta casa redonda sen fiestras e tellado de palla???
Para que serían estas pedras???
Que serían todos estes debuxos???
Quen serían este home e esta muller???
Por que vestían así???
Quen sería este home de barba branca???
E este foi o punto de partida da Festa de Yule!!!
A partir de aquí investigamos quen foron os celtas, onde vivían, a que se adicaban, como vestían, que tradicións tiñan... e así fomos sabendo que aquela casa redonda que aparecera nos códigos QR era unha palloza (a casa dos homes e mulleres celtas), e que aquelas pedras eran un dolmen (onde enterraban aos mortos), e os debuxos eran símbolos celtas que se tatuaban na pel ou que reproducían nas súas xoias, e que o home de barba branca era o druida que facía un pouco de todo: era curandeiro, xuiz, presidía as celebracións ... e observando de novo a imaxe da muller e do home celta fixámonos en como vestían xa que ía ser fundamental saber como eran as súas vestimentas para a función de nadal. E soubemos tamén que na época dos celtas non se celebraba o nadal senón que se celebraba o SOLSTICIO DE INVERNO, O TRIUNFO DA LUZ, NUNHA FESTA QUE CHAMABAN "FESTA DE YULE". E para celebralo os celtas facían cousas moi parecidas ás que facemos nós hoxe en día como por exemplo decorar a árbore con trenzas de cores, colgar coroas nas portas das casas (para protexerse), trocar presentes (alimentos), comer e bailar durante toda a noite...
Con toda esta información era hora de traballar.
Por un lado tiñamos que preparar a cartelería para que cando as mamás, papás, avós, avoas ... viñesen a ver a función de nadal, soubesen o que estabamos a facer.
E por outro lado tiñamos que elaborar todas as pezas que iamos necesitar como decorado para representar a nosa FESTA DE YULE!
O tronco de Yule era fundamental.
Aínda que ao principio non lle viamos moito xeito ao final quedounos un tronco ben xeitoso.
Outra parte importante era a palloza. Aquí tivemos que distribuir o traballo: por un lado facer a palla para o tellado, por outro lado as paredes de pedra, e doutra banda, a porta e a coroa. Montar todo isto sobre unha base de cartón á súa vez colocado envolvendo o circo que tiñamos no teatro e grampala a un carro para poder movela.
Tamén tiñamos que facer o dolmen como elemento característico da cultura celta.
Non podiamos esquecer a árbore de nadal celta onde logo iamos colgar as trenzas vermellas, verdes e douradas.
O resultado final foi bastante realista, non vos parece?
Aínda que en todo este proceso tamén tivemos un pouquiño de axuda extra. Grazas familias!
Outra parte importante era a palloza. Aquí tivemos que distribuir o traballo: por un lado facer a palla para o tellado, por outro lado as paredes de pedra, e doutra banda, a porta e a coroa. Montar todo isto sobre unha base de cartón á súa vez colocado envolvendo o circo que tiñamos no teatro e grampala a un carro para poder movela.
Tamén tiñamos que facer o dolmen como elemento característico da cultura celta.
A xoiería celta tamén era moi recoñecible polas imaxes que reproducían nos colares, pulseiras... e nós tamén fixemos o noso propio colar con símbolos celtas que previamente buscamos para escoller o que mais nos gustaba e para coñecer o significado dalgúns deles.
O resultado final foi bastante realista, non vos parece?
Aínda que en todo este proceso tamén tivemos un pouquiño de axuda extra. Grazas familias!
E aínda que o poboado celta estaba listo, as mestras e mestres tiñan moito traballo preparando a decoración do escenario.
E así chegamos ao venres día 20 de decembro de 2019 e no noso colexio celebramos o FESTIVAL DE NADAL INTERNACIONAL DO CEIP DE BAROUTA 2019.
Un ano mais as 75 nenas e nenos de EI demos comezo á función coa nosa representación da FESTA DE YULE.
Colocámonos no lateral do pabillón para sair en orde.
E cando comezou a soar a música, comezou a FESTA DE YULE.
Agardamos que disfrutarades vendo a nosa representación da Festa de Yule.
En canto teñamos o vídeo completo subirémolo!
0 comentarios:
Publicar un comentario