Boa tarde de domingo a tod@s!
Hoxe queremos amosarvos como continuamos o noso proxecto QUE PASA NO MONTE? logo da visita de Héctor.
E o primeiro que fixemos foi plasmar en papel todas as ideas que tiñamos e todas as cousas que sabiamos do lume.
Por suposto, quixemos ver como estaba o noso monte. Ese ao que tantas veces imos recoller landras, paus, follas secas... E fomos preparados con luvas de traballo e con capachos por se había algo que limpar.
Chamounos a atención que había moita maleza e eucaliptos.
Pero tamén había zonas máis limpas.
E mentres iamos camiñando tamén iamos recollendo todo o lixo que atopabamos.
Así estaba o noso capacho cando saímos do colexio.
E así estaba cando voltamos.
Xa no cole fixemos unha estimación de cantos kilogramos pesaría o capacho cheo con todo ese lixo. Diana foi a acertante de dita estimación. Nada máis e nada menos que 5 Kg!
Finalmente xa só nos quedaba desfacernos dese lixo. Fomos ver os colectores que temos no colexio e acordamos que tiñamos que botar todo no colector amarelo porque o que había no capacho era plástico.
0 comentarios:
Publicar un comentario