Neste mes de marzo non podemos esquecer unha data tan importante como o día 8: "DÍA INTERNACIONAL DA MULLER".
Non colexio conmemoramos esta data pero non adicamos só un día senón varios.
Realizamos varias propostas para traballala, todas baixo o mesmo lema
+ ... É =
-Por un lado traballamos a linguaxe desde o punto de vista da coeducación (nenas e nenos, todas e todos, crianzas ...)
-Doutra banda reflexionamos conxuntamente sobre que cousas son necesarias para que haxa unha igualdade real entre mulleres e homes e plasmámolo en etiquetas que pegamos no mural conxunto da entrada do colexio (mural que convertemos nun photocall) e nunha etiqueta máis grande que colocamos no delantal que utilizamos para o vídeo-poema.
Nestas etiquetas tiñamos que completar o lema común coas nosas reflexións (+ DESCANSO É = , + AXUDA É = , + RESPECTO É = ...)
-Fixemos fotos no photocall utilizando os bocadillos nos que había escritos lemas relativos à igualdade e utilización de linguaxe non sexista (neste photocall participaron todas as persoas que quixeron: nais, pais, avoas, avós, monitoras e monitores de comedor ...)
-Por outro lado nas aulas contamos contos como:
> "Orellas de bolboreta" https://www.youtube.com/watch?v=cK2vvcX8J2U
>"Rosa Caramelo" https://www.youtube.com/watch?v=av6LB9V-Siw
>"Cuando las niñas vuelan alto"
>"Las princesas también se tiran pedos" https://www.youtube.com/watch?v=jvNJefdk64c
>"Cuentos de buenas noches par aniñas rebeldes"
-E finalmente levamos a cabo o vídeo-poema. Para facelo houbo un traballo previo no que cada alumna e alumno de Barouta trouxo un mandil da casa. Nel pegáronse as etiquetas co lema antes citado. Os nenos colgaron os seus mandís no tendal do soportal de entrada do alumnado e as nenas levaron posto o seu mandil.
Cando o tendal estivo listo ...
Primeiro saíron ao soportal as nenas. Despois saíron os nenos e as nenas puxéronlle a cada neno un mandil convidándoos a responsabilizarse tamén do traballo doméstico en igualdade.
Finalmente as nenas e mestras de Barouta convertíronse en heroínas transformando o seu mandil nunha capa.
8 M from María Barouta on Vimeo.
SUPERHEROÍNAS from María Barouta on Vimeo.
As nenas e nenos de 4 º de E.P. interpretaron unha cantiga acompañadas por todas as compañeiras e compañeiros do colexio.
A partir deste 8 marzo, na nosa escola imos falar mellor xa que imos incorporar o xénero feminino à fala cotià porque... o A tamén importa!
0 comentarios:
Publicar un comentario