Bo día familias!
Xa sabedes que estamos inmers@s no proxecto de centro "Somos o que comemos" pero aínda temos pendente amosarvos algunhas actividades do proxecto "O corpo".
Dentro deste proxecto un eixe central foi o esquema corporal moi importante para o coñecemento inmediato e contínuo do noso corpo en estado estático ou en movemento, en relación coas súas diferentes partes e, sobre todo, en relación co espazo e os obxectos que nos rodean. Por iso algunhas das actividades propostas ao alumnado foron encamiñadas a representar o esquema corporal:
> con diferentes materiais (papel, bloques lóxicos ...)
>en diferentes posicións (siluetas feitas no chan con pezas de construción, bloques lóxicos...)
Pero neste proxecto traballamos moitos outros aspectos do corpo humano como:
>o sistema circulatorio (vimos e tocamos a maqueta do corazón e representamos con pintura os latexos do corazón)
> o sistema respiratorio (plasmamos cunha divertidade actividade con bolsas e palliñas como chega o aire aos pulmóns)
> o esqueleto (coa representación do mesmo con bastonciños de algodón)
> e tamén tivemos tempo para mirarnos no espello a facer o noso autorretrato
Todo isto e moito máis poderedes velo nas carpetas que o alumnado levará para a casa!
0 comentarios:
Publicar un comentario