PETRÓGLIFO DE CASTELO-RUTA DO CABALIÑO DO DEMO

O xoves 21 de marzo o alumnado de EI foi ver o petróglifo de Castelo, visitar a aula da natureza que está na Ameixenda e facer un anaco da Ruta do Cabaliño de Demo.

Ás 10h15 saímos do colexio en autobús cara Castelo acompañadas e acompañados por Patricia que é a técnica medioambiental do Concello de Ames.

Ao chegar a Castelo atendemos ás explicacións de Patricia.

E puxémonos en marcha para ver o petróglifo. Chegar ata el fíxonos suar un pouco!😓

Cando chegamos arriba puxémonos arredor.

E para velo mellor Patrica e as mestras mollaron a pedra.

E falamos de quen faría aqueles debuxos, canto tempo levarían alí, para que servirían ...

E se subir ata alí fíxonos suar, baixar tamén, pero foi máis divertido!

Unha vez abaixo estiramos un pouco!

E como xa tiñamos fame fomos á aula da natureza a merendar.

E rematamos a xornada facendo un anaco da Ruta do Cabaliño do Demo. Aproveitamos para coller flores, paus, follas, correr, saltar por riba dun regato, ver un muíño ...